ógras 6 sráid fhearchair, baile átha cliath 2. guthain (01) 475 1487 ríomh phost eolas@ogras.ie

Radharc i: English

Ag bunú an Chlub Óige

"Tús maith leath na hoibre" agus ní haon eisceacht é bunú chlub óige de chuid Ógras. Ná bígí ag brostú, déan fiosruithe, pleanáil agus réamhobair agus faigh tacaíocht ó fhoireann Ógras. Seo roinnt treoracha daoibh agus sibh ag déanamh fiosruithe faoi chlub óige a bhunú.

Faigh Halla

- gur féidir spóirt a imirt ann

• ar chíos réasúnta (€20 - €40 an teacht le chéile)
• ina bhfuil seomra breise
• ina bhfuil stáitse
• ina mbeidh cead céilí nó dioscó poiblí a eagrú

Faigh Ceannairí

- aimsigh ceathrar fásta (treoraithe) le Gaeilge, a bheadh sásta cabhrú leis an chlub óige. (Trí Choiste Pobail, Gaelscoil, Conradh na Gaeilge, Coiste Ghlór na nGael, scoileanna nó eile.)

Faigh Oiliúint

- Oifigeach Ógras a fháil le cúrsa "cur in aithne" a thabhairt do na hábhair treoraithe agus na hábhair ceannairí

• riaradh an chlub óige: pleanáil imeachtaí agus airgead
• freagrachtaí na dtreoraithe agus iad a oiliúint sna freagrachtaí cuí
• freagrachtaí na gceannairí óga
• plé faoi áiseanna, buanna, scileanna agus laigí na háite agus an phobail

Anois táimid réidh don chéad chéim eile: An scéal a scaipeadh i measc an phobail. Is cinnte go bhfuil sé níos éasca club óige a reachtáil gan a lán baill ach ní bhíonn an chraic chéanna ann. Abair leis an domhan mór go bhfuil club óige le bunú in bhur gceantar agus eagraigh cruinniú poiblí chuige sin. Faigh Oifigeach d'Ógras le labhairt ag an gcruinniú.

Poiblíocht

• scaip an focal
• croch póstaeir sna scoileanna agus sna siopaí áitiúla
• scéal a chur go dtí an raidió agus na nuachtáin áitiúla

Cruinniú Poiblí

• do bhaill agus do thuismitheoirí
• spriocanna an chlub óige agus spriocanna áitiúla - plé
• róta, scileanna agus ról na dtuismitheoirí sa chlub
• rialacha an chlub óige
• oíche agus am a roghnú do theacht le chéile an chlub

Anois tá sibh réidh len bhur gclub óige féin a thosú agus de ghnáth maireann an club-bhliain 32 seachtain. Bígí cinnte tús maith a chur leis agus go mbeidh treoraithe agus na tuismitheoirí ón róta i láthair. Go n-éirí libh!

An Club Óige

• na baill a chlárú: ainm, seoladh, dáta breithe agus uimhir guthán a bhailiú
• táille clárúcháin a bhailiú ó na baill
• cruinniú cinn bhliana: roghnú coiste / ceannairí, plean bliana agus cluichí
• oiliúint do na ceannairí óga sna freagrachtaí cuí
• amchlár don tseachtain seo chugainn agus plean míosúil

Cúrsa Oiliúna

• do cheannairí agus do threoraithe an chlub óige
• sula dtosnaíonn an club nó go luath ina dhiaidh
• conas ceannairí a fhorbairt
• smacht na gceannairí
• réiteach fadhbanna
• conas deileáil leis an óige

I gcás club óige d'Óg-Ógras a bhunú, níl na deacrachtaí céanna i gceist ach ní mór daoibh a bheith ullamh don phléascadh fuinnimh sin atá ag gasúir óga. B'fhiú go mór do gach club óige d'Ógras, club óige d'Óg-Ógras a bhunú.