ógras 6 sráid fhearchair, baile átha cliath 2. guthain (01) 475 1487 ríomh phost eolas@ogras.ie

Radharc i: English

Stair Ógras

I 1969 ghlac Conradh na Gaeilge cinneadh go raibh gá le seirbhísí óige trí mheán na Gaeilge a chur ar fáil do aos-óg na tíre. Glacadh an cinneadh seo mar thoradh ar thaighde a bhí déanta cúpla bliain roimhe sin.Bunaíodh Ógras i Mí na Samhna 1969.

Fostaíodh Tomás Ó hEochaidh mar Oifigeach Óige ar Ógras chun tabhairt faoi obair na heagraíochta - bunú clubanna, eagrú imeachtaí, ag cur bunreacht le chéile don eagraíocht nua srl, agus d'éirigh thar barr leis. Bhí imeachtaí náisiúnta á n-eagrú ar fud na tíre: Oilimpeacha Ógras, Tionól ag an Oireachtas, Díospóireachtaí Ógras, Campa Samhraidh agus fiú cúpla imeacht idirnáisiúnta de réir mar a chuaigh na blianta thart. Chinntigh Tomás go raibh Ógras páirteach i gComhairle Náisiúnta na nÓg - scáth-eagras do óg-eagraíochtaí na tíre seo.

Ag tráth amháin chuaigh tinreamh ó Éirinn - timpeall cúigear acu as Ógras - go dtí an Féile Óige Domhanda i Moscó sa Rúis agus ba é Tomás a bhí i gceannas orthu. Dé réir na scéalta atá fós thart, is cosúil go raibh am ar dóigh acu.

Stair Óg-Ógras

I 1988 bunaíodh Óg-Ógras do pháistí idir 8-13 bliana d'aois. Tugadh aitheantas oifigiúil d'Óg-Ógras i 1988 nuair a cheadaigh an Roinn Oideachais deontas le haghaidh Oifigeach Óg-Ógras don chéad uair. Tháinig fás agus forbairt mhór ar chlubanna don aois-ghrúpa seo agus bunaíodh go leor clubanna i gceantracha ina raibh clubanna d'Ógras ag feidhmiú cheana féin.

Bíonn clár imeachtaí leagtha síos d'Óg-Ógras gach bliain mar a bhíonn do ghasraí Ógras. Bíonn turas lae le haghaidh gach cúige roimh na Nollag agus bíonn turas eile acu i Mí an Mhárta. I gceantracha den tír bíonn lá spóirt ag na clubanna - a bhíonn leagtha amach ar nós Cluichí Tailteann Ógras - ach ní bhíonn siad ag fanacht as baile thar oíche.

Bíonn roinnt mhaith de bhaill Óg-Ógras a fhanann san eagraíocht agus a théann ar aghaidh go dtí clubanna Ógras nuair a shroicheann siad an aois-teorainn sin.

Cathaoirligh Ógras:

1971/'73 Seán Mac Mathúna
1973/'75 Mairéad Bn. Uí Dhomhnaill
1975/'77 Mícheál Mac Gréil, S.J.
1977/'78 Niall Ó Muilleoir
1978/'79 Seán de Paor
1979/'80 Ciarán Ó Feinneadha
1980/'81 Seán de Paor
1981/'83 Pádraig Ó Duibhir
1983/'85 Deaglán de Paor
1985/'88 Pádraig Ó Sabhain
1988/'89 Antóin Mac Cárthaigh
1989/'90 Fiona de Staic
1990/'92 Seán Óg Ó Coisdealbha
1992/'94 Aodhán Ó Meachair
1994/'97 Pádraig de Búrca
1997/'2005 Máirín Uí Ghríofa
2005/' Breandán Ó Cathasaigh