Tá Campaí Samhraidh Ógras ar Ais!
Níl orainn a mhíniú duit go raibh rudaí beagáinín idir dhá cheann na meá le roinnt blianta beaga anuas agus muid uilig ag dul i dtaithí ar an 'gnáthshaol nua' agus é de shíor ag athrú. Pé cás a bhí ann áfach, bhí Ógras réidh chun ár sheirbhísí a fheabhsú agus a chur in oiriúint le himeachtaí agus clubanna ar líne agus faoin aer chun ár mbaill a choinneáil ghníomhach agus spás sábháilte spraíúil a chruthú dóibh trí Ghaeilge - agus níl aon difríocht i mbliana mar tá muid ar bís chun a fhógairt go mbeimid ag rith ár gCampaí Samhraidh cáiliúla arís! Tá sceitimíní orainn gach rud atá foghlamtha againn idir shean agus nua a chur i bhfeidhm, agus táimid ag tnúth le 2022 a bheith ar an mbliain is fearr do Champaí Samhraidh Ógras go dtí seo!
Ar ndóigh, ar mhaithe le spás sábháilte, pearsanta a chruthú agus leis an ardchaighdeán obair óige atá Ógras bródúil aisti a chur ar fáil, beidh clárúcháin dos na campaí teoranta agus beidh béim choinsiasach ar shláinte agus ar spraoi sábháilte gach éinne trí impleacht chomhsheasmhach ar threoirlínte an FSS agus ar ár n-éiteas agus caighdeáin chleachtais féin.
Beidh neart ar siúil againn ag na campaí - ar ndóigh beidh na himeachtaí clasaiceach cosúil le Ciorcal Comhrá, Spóirt srl., cluichí srl., agus turas lae ar cheann de na laethanta, ach ina theannta sin beidh imeachtaí nua & sceideal athchóirithe le gníomhaíochtaí ar nós Ceardlanna, Rince, Tóraíocht Taisce, Cláir Ógras.... agus go leor eile!
Tá clú agus cáil ar Champaí Samhraidh Ógras agus tá sin tuillte againn lenár n-obair óige taitneamhach den scoth, agus tá sceitimíní orainn sibh a fheiceáil ansin. Tá tuilleadh eolas breise faoi na Campaí thíos, nó is féidir clárú go díreach anseo:
Táimid ar ais is ar fheabhas - níos fearr ná riamh!
Sonraí na gCampaí
Tá costas €60 ar Champaí Laighean agus €55 ar na Campaí i gConnacht agus Mumhan. Rithfidh gach campa i mbliana ar feadh 4.5 uair a chloig sa lá: 10rn go 2.30in (seachas má luaitear am eile), Luan go hAoine sa tseachtain chuí, le Turas Lae ar lá amháin san áireamh. 'Sí 7-12 bliain aoisghrúpa na campaí seachas má luaitear a mhalairt do champa déagóirí.
Beidh spásanna clárú dos na Campaí teoranta bunaithe ar mhéid foirne agus halla i ngach campa (agus táimid ag súil go líonfaidh muid iad!), agus beidh ar a laghad beirt dhuine fásta cáilithe i láthair chun iad a reáchtáil - Tá múinteoirí agus ceannairí Ógras cáilithe agus Grinnfhiosraithe ag an nGarda Síochána, le taithí fhairsing acu ar obair Óige trí Ghaeilge.
Cuspóirí agus Gníomhaíochtaí:
Cuspóirí:
-
Spás sábháilte a chur ar fáil do dhaoine óga chun gníomhaíochtaí trí Ghaeilge a chleachtadh i rith an tsamhraidh
-
Deis do dhaoine óga Gaeilge a fhoghlaim agus a chleachtadh, agus a bhféinmhuinín i labhairt na Gaeilge a fhorbairt
-
Taithí ar réimse leathan d’imeachtaí spraíúla agus spreagúla, trí mheán na Gaeilge
-
Deis spraoi agus craic a bheith acu i gcomhluadar páistí eile
Roinnt Shampla do Ghníomhaíochtaí ag Campaí Samhraidh Ógras:
-
Ciorcal Comhrá trí Ghaeilge
-
Ceardlanna praiticiúla
-
Ealaíona agus Ceardaíocht
-
Toraíocht Taisce
-
Rince agus Ceol
-
Aclaíocht/Ióga
-
Díospóireacht
-
Gníomhaíochtaí maidir le Ceartas Aeráide
-
Cláir Ógras
-
Turas Lae – Day Trip
-
...Agus go leor eile – And lots more!
Féach thíos dátaí agus ionaid Campaí Ógras 2022 agus cliceáil chun clárú - ach coimeád ar intinn go bhfuil spásanna teoranta, so bí gasta ag clárú chun an deis a thapú a bheith linn!
'
Campa Dhún Dealgan - LÁN! Is féidir d'ainm a chur síos ar an liosta feithimh as dul i dteagmháil le hAmie anseo
Nótaigh go bhfuil córas clárúcháin Easypayments Plus á úsáid ag Ógras chun rudaí a shimpliú do gach éinne. Má tá cuntas Easypayments Plus agat cheana féin beidh tú in ann an cuntas sin a úsáid agus díreach na sonraí breise atá ag teastáil dos na campaí a thabhairt dúinn tríd an chuntas sin. Muna bhfuil cuntas, is féidir leat cuntas a dhéanamh go héasca, go sciopadh agus saor in aisce - agus b'fhéidir níos tábhachtaí, sábhálfaidh sé ama duit amach anseo!! Tá an córas EPP an-simplí, ach tá sé nua dúinn chomh maith, so ná bí buartha teacht i dteagmháil linn má tá aon fhadhb clárú agat.
Féach anseo chun mionsonraí a fháil faoi na campaí, ina measc tuilleadh eolas faoi threoirlínte shláinte, cuspóirí, gníomhaíochtaí, cad le tabhairt leat, éiteas an Champa, agus chun aon cheist eile a fhreagairt!
Éiríonn go hiontach leis na campaí gach bliain agus baineann na daoine óga a bhíonn i láthair an-taitneamh astu i gcónaí, so tá an-áthas orainn go bhfuil muid in ann an t-eispéireas seo a thabhairt dár mbaill rialta, sean agus nua agus aon duine atá ag lorg gníomhaíochtaí spraíúla trí Ghaeilge - eispéireas dearfach atá tuillte go maith acu agus gur féidir leo súil leis ó Ógras. Tugann na campaí deis do dhaoine óga an Ghaeilge atá acu a úsáid i suíomh spraíúil, taitneamhach, agus iad ag piocadh suas focail agus frásaí nua mar a théann siad ar aghaidh, ag cur lena bhféinmhuinín agus lena n-úsáid na teanga. Is bealach iontach iad na Campaí chun cabhrú le daoine óga scileanna pearsanta, sóisialta agus cruthaitheacha a fhorbairt, scileanna tógála gaolta, agus tuiscint ghinearálta ar an tsochaí agus ar an bpobal, trí rannpháirtíocht spraíúil agus gníomhach laistigh de thimpeallacht shábháilte
Táimid fíorbhródúil go bhfaigheann muid aiseolas den scoth ó na daoine óga a thagann chuig na campaí - agus a dtuismitheoirí! - bliain i ndiaidh bliana.
Táimid anseo chun aon cheisteanna a fhreagairt freisin, so má tá aon eolais ag teastáil is féidir ríomhphost a chur chugainn agus beidh muid ar ais i dteagmháil chomh luath agus is féidir.
Tá muid an-bhuíoch d'Fhoras na Gaeilge agus don Roinn Leanaí agus Gnóthaí Óige as ucht maoiniú a chur ar fáil do na campa