Faoi Ógras

Is eagraíocht óige Gaeilge é Ógras do dhaoine óga idir na haoiseanna 8-19. Tá dhá aoisghrúpa éagsúla páirteach sna clubanna, Óg-Ógras do dhaoine óga idir 8-12 agus Ógras do dhéagóirí idir 13-19.

Is féidir club Ógras a bhunú in aon áit sa tír, cibé áit ina bhfuil suim ag grúpa daoine óga a bheith páirteach i gClub Óige trí Ghaeilge. Gan dabht, tá áit ag teastáil chun cruinnithe a chuir iar siúl agus ceannairí ag teastáil freisin. Bíonn imeachtaí réigiúnacha, náisiúnta agus fiú idirnáisiúnta á eagrú ag Ógras gach bliain. Ansin, sa samhradh, bíonn campaí samhraidh , agus cúrsaí ar fáil timpeall na tíre do dhaoine óga freastal orthu.

Soláthraíonn Ógras deis do dhaoine óga a gcuid Gaeilge a chleachtadh agus tugann sé cabhair dóibh líofacht a bhaint amach sa teanga.

Cláraigh le haghaidh Club nó Imeachta

Group of six people seated around a table at a restaurant, smiling at the camera.

Éispéireas an Club Óige Ógras

Is í an aidhm atá ag Club Óige Ógras ná timpeallacht shábhailte agus fáilteach a chruthú ina féidir le daoine óga ón ceantar teacht le chéile thrí mheán na Gaeilge. Lorgaíonn Ógras dul i ngleic le riachtainais na hóige thrí spás a thairiscint do chruinnithe agus éagsúlacht mhór gníomhaíochtaí, ag cothú éispéiris dearfacha.

Ag spreagadh agus ag tacú le daoine óga muinín a fhorbairt agus a bheith buíoch as an Ghaeilge agus as cultúr nah Éireann.

Ag cur ar fáil clár neamhfhoirmiúla a fheagraíonn do spéiseanna daoine óga agus a spreagann rannpháirtíocht ghníomhach.

Ag tabhairt tacaíochta do dhaoine óga scileanna nua a fhoghlaim agus páirt a ghlacadh i spóirt agus gníomhaíochtaí fisiciúla agus tacú le fás i muinín agus i neamhspleáchas.

Ag cabhrú le daoine óga cairde a dhéanamh, ag forbairt tusicint ar an dúchas agus cuidiú go dearfach leis an pobal áitúil agus an pobal níos leithne.

Ag cruthú spás do dhaoine óga chun scíth a ligeann, spórt agus spraoi a bheith acu, dul i ngleic le na ceisteanna a théann i bhfeidhm orthu agus leas a bhaint as eiseamlairí dearfach daoine fásta lasmuigh den bhaile agus scoil.

Group of people on a beach. Some wear yellow vests, some raise their arms. Blue sky, water, and hills in the background.

Fís Ógras

Is í ár bhfís Éire ina dtugtar tacaíocht do dhaoine óga chun a gcumas iomlán a bhaint amach, agus ina gcruthaítear deiseanna dóibh Gaeilge a labhairt agus spraoi a bheith acu.

Treoraíonn an fhís seo ár gcuid oibre agus coinníonn sí daoine óga i gcroílár gach a ndéanaimid, agus muid ag tacú le heispéiris dhearfacha thaitneamhacha trí Ghaeilge ar fud na tíre.

Misean Ógras

Timpeallachtaí a chur ar fáil a spreagann agus a éascaíonn rannpháirtíocht daoine óga i bpobal bríomhar Gaeilge atá spraíúil agus comhaimseartha.

Clár oibre óige bríomhar, éagsúil agus pleanáilte a chur ar fáil trí mheán na Gaeilge a spreagann smaointeoireacht chruthaitheach, forbairt muiníne agus forbairt shóisiThe

Na Lucahanna a chuireann cruth ar Ógras

Múnlaíonn ár luachanna an chaoi a n-oibrímid le daoine óga, le hoibrithe deonacha agus le pobail ar fud na hÉireann. Treoraíonn siad ár gcur chuige i leith obair óige trí mheán na Gaeilge, agus cinntíonn siad go bhfuil gach a ndéanaimid uileghabhálach, cuimsitheach, measúil agus dírithe ar eispéiris dhearfacha a chruthú.

Oscailteacht agus cuimsitheacht

Comhionannas ar fud na heagraíochta

Luach na hoibrithe deonacha

Solúbthacht chun freastal ar riachtanais éagsúla daoine óga

Rannpháirtíocht agus úinéireacht daoine óga

Dearcadh amach agus gné idirnáisiúnta d’obair óige a chur chun cinn

Atmaisféar cairdiúil, spraíúil agus fáilteach a chruthú i ngach rud a dhéanaimid

Bród as féiniúlacht agus cultúr na hÉireann a chur chun cinn agus meas a léiriú ar fhéiniúlachtaí agus ar chultúir eile